أخر الاخبار

 

رسالة مرتضى منصور إلى جماهير الزمالك ركزو مع الفريق وأنسوني مجهز مذكرة لو الحكم متلغاش هاعتزل المحاماة وحفلة كبيرة بعد الفوز بالدوري فيها هاني شاكر والهضبة أو الكنج ويهاجم محمد صبحي

15 اغسطس 2022 الساعة 12:47 مساء
رسالة مرتضى منصور إلى جماهير الزمالك ركزو مع الفريق وأنسوني مجهز مذكرة لو ا


وجه مرتضى منصور رئيس نادي الزمالك رسائل نارية عبر مداخلته في برنامج زملكاوي أمس على قناة الزمالك رافضا فكرة عودة محمد صبحي حارس مرمى فاركو الحالي للزمالك مرة أخرى. 

قال مرتضى في تصريحاته عبر قناة الزمالك:"انا عاوز العيال اللي بتقل ادبها يستنوا مذكرة النقض وبراهن بكل تاريخي لو الاحكام متلغتش هعتزل المحاماة وهترك الزمالك"
أضاف: "بلاش استفزاز انا مبهربش واخر إشاعه إني اتمنعت من الظهور في قناة الزمالك أنا رئيس مجلس إدارتها إزاي هتمنع احنا كنا بنتعامل مع شركة محترمة وايه رايكم انا على قناة الزمالك دلوقتي"

واصل:" انا بتكلم في قناة الزمالك وبلاش تكلموا في موضوع الشهر لأنه يسيء لكم انتم، لي عتاب على جمهور الزمالك، فيه ناس بتقول متتكلمش علشان خايفين على الزمالك، واسكت يقولك ممنوع من الظهور ودول مش جمهور الزمالك دول بيقبضوا"
تابع:" لو طلعت أوضحت وارد يقولك هتعيش النادي في قلق القضايا من 2018، والنبي ماتطلعش انت خايف على الزمالك ومش خايف علي وعايزني اتحبس، وانا لواخد 20 سنه مش هتعذر، ومجهز حاجات لجمهور الأهلي ولو نزلت كل ده جمهور الزمالك هيولع فيكم، ياجمهور الزمالك اطمنوا شوفتوا صفقة السله، صفقات القدم على تفس المستوى واكتر"

وأشار:" بقول لكل الولاد الصغييرين اللي بيهروا ان عامل لكم مشاكل، حسين لبيب جنتلمان ورجل شيك لما اتشتم قال لهم السوقه والعوام، *المقصود مش مرتضى المقصود اي حد بيرجع الزمالك للبطولات وييرجع له هيبته"

واستطرد:"انا متحمل علشان الجمهور والجمعيه العموميه واللي عملته في النادي *وخلاص هنبني فندق عالمي وارض 6 اكتوبر هتتبني من فضلكم سيبونا تشتغل انتم عاوزين تطفشوني ليه؟, هيطلع 100 اتوبيس مع وجبات وميه لنقل الجماهير لدعم الفريق امام فاركو والاتحاد، اسكندرية مش بعيده، التواجد يكون الساعه 11 الظهر من امام النادي واهم شئ الفان اي والتذكره، هنعمل احسن احتفاليه لوفزنا بالدوري في الاستاد ابورجيله وحفله هيتواجد فيها هاني شاكر وواحد من 2 عمرو دياب او محمد منير"


وواصل مرتضى:" ياجمهور الزمالك ركزوا مع الفريق وانسوني لو قراتوا مذكره النقض هنقولوا الرجل ده جبل، ركز مع الفريق وجايبين صفقات على اعلى مستوى لو ربنا كرمنا بالدوري هنلعب بطولة السوبر المصري السعودي امام الهلال وربنا يوفقنا ركزوا وشجعوا بكل حماس وباذن الله ربنا يكرمنا، بقول لمحمد صبحي انت هتفضل صغير وضئيل علشان لاعب كبير في الزمالك يكلمك وتقوله *مليش مزاج العب في الزمالك ، انت يلا ملكش مزاج تلعب بالزمالك والزمالك مالوش مزاج تعدي من قدامه، *وكنت بتجي تعيط لي علشان 100 جنيه، قولت لـ أمير قوله أنت ترفض الزمالك والزمالك يرفض تشتغل فيه فراش، انت يلا بيدخل فيك 4 أو و5 اجوال خليك جمهور الزمالك قلبهم حنين، الزمالك قال طارق وحامد وابوجبل شكرا، ابوجبل اعتذر وعاوز يرجع وفيريرا مأجل الحسم لنهاية الدوري فيريرا مرفضش ابوجبل، لكن زعلان من طارق حامد لانه غاب وربنا كرمنا بلاعيبه تانيه* عندنا ماتش مهم جدا امام الاسماعيلي لي طلب ياجمهور الزمالك متشغلوش نفسكم بيا فاضل لنا ماتشين الزمالك اهم مني والدوله لوعارفه ان انا غلطان كنت فورا حبستني، عندنا ماتشات مهمة لو فوزنا بفاركو والاتحاد هنحتفل باهم دوري في تاريخ الزمالك كله من فضلك خليك مع الزمالك ركز في الماتش ابعد عني اتحبست هاروح ازور اصحابي في السجن رئيسك لم يحبس في قضية ساعات ولا260 مليون ولا استيلا ع مال عام دي قضية سبوقذف،ومحكمة النقض لو  قالت انت غلطان هعتزل.

وختم: "انا ضد اللي حصل مع ياسر ابراهيم لانه مش من حق حد يشتمني امام مراتي و ضد ان رد فعل ياسر يكون بونيات اعتبره سفيه ومتردش، الواد بيقولك لك نفس تاكل وانت خسران دوري وكأس هو لو زملكاوي هيبوس ياسر علشان كان سبب في هدف الزمالك التاني في الكأس، فتوح مبيشربش الشاي يبقى بيسكر ؟ ولو بيسكر دي هتكون حالته في الملعب؟ عيب بجد يا استاذ محمود ابراهيم الخطيب لم العيال اللي عندك انت بتغلط بيتعمل ضدك بلاغ وصلوا 66 بلاغ دلوقت، يوم ما قولت مش هلعب ماتش المقاصه وملعتبش، لما قولت مش هاروح ماتش الاهلي ايام المطره والسيول مروحتش واتحملت المسئوليه، سمعت ان اتحاد الكره بعت خطاب بيعتذر انا عاوز اشوفه"

اخبار الزمالك

مرتضى منصور يقلب الفيس بوك بمقطع فيديو عن الخطيب يحكم القطرين وقصة غرامة كهربا . الكاف يكشف مواعيد نهائى دورى أبطال إفريقيا والكونفدرالية

  مرتضى منصور يقلب الفيس بوك بمقطع فيديو عن الخطيب موحد القطرين وقصة غرامة كهربا    كعادته قلب  المستشار مرتضى منصور، رئيس نادى الزمالك السابق، مواقع التواصل الإجتماعى التى تداولت مقطع فيديو جديد، يهاجم فيه الصلح بين الكابتن حسين رئيس نادي

قال والدي كان بيودينى مباريات الزمالك. هشام ماجد انا زملكاوي بالوراثة .عبد ا

قال والدي كان بيودينى مباريات الزمالك. هشام ماجد انا زملكاوي بالوراثة .عبد الناصر زيدان يكشف فضيحة فى برنامج رامز جاب من الآخر

أكد  الفنان هشام ماجد،  إنه ورث حب الزمالك وخفة الدم والوسامة من والده وهن  عدم ظهوره في البرامج قائلًا: "مبطلعش في برامج من نوعية الاستجواب، لكن جيت البرنامج ده لإنه لطيف ومفيش حاجة فجة زيادة عن اللزوم، وانا قاصد الإختفاء لأني مش محتاج حد يعرف عن حياتي الشخصية حاجة،

هل يلعب حجازى فى الزمالك او الاهلي بعد الرحيل عن اتحاد جدة و تريزيجيه يكشف موقفه من الاحتراف في الدوري السعودي

خاص.. أحمد حجازي يقترب من الرحيل عن اتحاد جدةهاني عصام كشفت بعض المصادر المقربة من أحمد حجازي لاعب فريق اتحاد جدة عن اقترابه من الرحيل عن ناديه السعودى  في الموسم المقبل.وأكدت المصادر أن اتحاد جدة سيجري تعديلات واسعة على قائمة

سيدات الزمالك بطلات العرب لتنس الطاولة بتألق هذا الثلاثي

سيدات الزمالك بطلات العرب لتنس الطاولة بتألق هذا الثلاثي

  سيدات الزمالك بطلات العرب لتنس الطاولة بتألق هذا الثلاثي    تُوج فريق سيدات  الزمالك لتنس الطاولة  بلقب البطولة العربية، التي أقيمت في المملكة العربية السعودية، وذلك بعد فوزه على نظيره بتروجيت، بنتيجة 3-1، في المباراة التي جمعتهما مساء

المزيد
المزيد
الزمالك في الصحف
نكشف موقفه من مباراة فيوتشر..زيزو يشارك في تدريب الزمالك اليوم وتصعيد ثنائي منتخب الشباب
اخبار الزمالك اليوم في الصحف: الأهلي يعلن رسميًا ضم أبو الفتوح من الزمالك .. كهربا يضع حسين لبيب في ورطة .. جوميز يجهز مفاجأة في مباراة فيوتشر
اخبار الزمالك اليوم في الصحف: وفاة باسل هاني لاعب الزمالك..عودة إمام عاشور .. ايقاف شيكابالا .. 5 صفقات سوبر في الزمالك
الزمالك يكشف سبب اختلاف عدد الجماهير في لقائي فيوتشر ..شبانة يحذر جماهير الزمالك من فرجاني وتعليق مصير بيكهام
المزيد