لعِّيبة بتفلس
9 مارس 2012 الساعة 11:23 صباحا
بقلم: خالد بيومي
قرأت تحقيقا أكثر من رائع أمس لجريدة «التحرير» والزملاء الأعزاء فى القسم الرياضى عن أحوال لاعبى كرة القدم المشاركين فى الدورى المصرى، بعيدا عن الناديين الأهلى والزمالك المشاركين فى البطولة الإفريقية والمعسكرات الخارجية، للخروج من حالة الحداد، وإخراج اللاعبين من «الحالة النفسية السيئة»، وهى كلمة هنستخدمها كتير قوى الفترة الجاية لما نلاقى فريق خسر بدل المبررات السابقة.. الأرض.. الحكم.. الجو..
هنقول حاجة جديدة اسمها الحالة النفسية والكلمة ديه اتقالت لما الزمالك لعب الماتش اللى مالوش معنى ولا معالم لكرة القدم الأخير أمام يانج أفريكانز، طبعا الكلام كله معناه الحالة النفسية،
وطبعا كلمة جت فى الوقت المناسب لأندية القمة، ويا ريت يخرجوا من الحالة ديه علشان نشوفهم بيلعبوا زى الأندية الألمانية أو الفرنسية،
ولما لعيبة القمة بإذن الله يخرجوا من الحالة النفسية السيئة قوى قوى نروح نلف وندور على لعيبة أخرى، منهم من هو منهار، أو خلاص هيفتح كشك سجاير، وهتلاقى لعيبة تانية واقفين على النواصى فى الشوارع بتاخد فِردة زى بتاعة زمان على أى حد يعدى، وهتلاقى لعيبة تانية دخلت السجن بتقضى عقوبة الشيكات التى كانوا موقعين عليها، وهتلاقى لعيبة تانية اللى طلق مراته علشان الحالة الاقتصادية، واللى مزاجه عصبى جدا مش عارف يعمل إيه من كل البلاوى اللى عمالة تلاحقه، ونلاقى لعيبة تانية دخلت المصحات النفسية..
يعنى بإذن الله كده علشان السادة المسؤولين.. مصر داخلة على بطالة من نوع تانى، عارفين إيه هى؟ أنا لسة لغاية دلوقتى باتكلم على لعيبة الدرجة الأولى فى الدورى الممتاز، لسه فى لعيبة دورى الدرجة التانية، العقود والفلوس أقل، والعيشة والحياة أصعب، عشان كده امسك وقابل الكوارث اللى جاية علشان نلغى دورى هو مش الدورى الممتاز فقط، لأ ده كمان بأقسامه، يعنى خراب بيوت على كل الأقسام، وده كله ليه علشان إحنا بنخرّج لعيبة القمة من الحالة النفسية السيئة، وكأن مصر هى الأهلى والزمالك وتولع باقى الأندية المصرية.
أصل العيب مش على اللعيبة الغلابة، لكن على بتوع الكورة اللى بيديروها من كل الجوانب، منها السياسى والاقتصادى، وأعتقد أنها لا تمت بصلة إلى الجانب الرياضى، لأنهم مالهمش علاقة بالجانب الرياضى، ده آخر حاجة يفكروا فيها، وهذا هو فعلا الواضح، الكل متجه الآن ناحية اللعيبة السوبر بتوع الكبار، والباقى إن شاء الله يروح النار. ويروح ليه ما هو راح، بنموِّت أكتر من جيل علشان نخرَّج مجموعة من الحالة النفسية..
والله العظيم مصر ديه غلبانة فى كل حاجة، مافيش حد يطلع يقول إن فيه ناس بتموت علشان ناس تانية، الكل خايف من الجماهير بتاعة الناديين الكبار، الكل خايف يفتح بقه علشان المشاهدة، الكل خايف أن يفتحوا النار عليهم فى حاجات تانية، أصل همَّا راسهم مبطوحة، الكل خايف إن الجماهير تعمل حظر على برنامجه، اهتمينا قوى بالكبار وسايبين اللعيبة الغلابة التى قاربت على الإفلاس، والدخول فى نفق مظلم فى كل حياتهم، واحنا حاليا بنفكر نجرى ورا معسكر الزمالك ومعسكر الأهلى هيتمد، وطبعا نروح نشترى الكواليس علشان الجماهير تتابع النجوم الكبار، ويااا رب الباقى يروح فى مصيبة، ما هو مش مصرى هو جاى من بلد تانية وضاربين بطاقات علشان ياخدوا الجنسية المصرية، عارفين على رأى الجمهور المصرى الغلبان، زى اللعيبة بتاعة الأندية التانية..
هاقول فى الآخر «كفاية.. حرام»، بس عندى سؤال: لما يرجع الدورى بإذن الله بعد عمر طويل مين هيخرَّج أكثر من ٥٠ لاعب من الحالة النفسية اللى جات لهم من الخوف والرعب من اتخاذ قرار؟ فى رأيى الشخصى المتواضع عاوزين مستشفى فى حجم العباسية، لأن الحالات هتكتر.. ربنا معاهم ويكون فى عونهم.
يبحث كثير من أولياء الأمور والطلاب عن موعد بدء إجازة نصف العام الدراسى، وحددت وزارة التربية والتعليم والتعليم الفنى، موعد بدء الإجازة لطلاب المدارس فى جميع الصفوف الدراسية، موضحة أن إجازة نصف العام الدراسى للعام الدراسى 2025 يوم 25 يناير 2025، وتكون إجازة نصف العام لمدة
بوستنجى يقود منتخب مصر للشباب للفوز على ليبيا فى الوقت القاتل حافظ منتخب مصر للشباب مواليد 2005 لكرة القدم على آماله فى بطولة شمال أفريقيا المؤهلة لنهائيات الأمم الأفريقية .. نجح فى الفوز على نظيره الليبي بهدفين مقابل هدف احرزهما احمد كاباكا من
يترقب الجهاز الفني للفريق الأول لكرة القدم بنادي الزمالك انتظام اللاعبين الدوليين في تدريبات الأبيض غداً الخميس، استعداداً لمباراة المصري المقبلة في مسابقة الدوري الممتاز. وكان التونسي حمزة المثلوثي انضم للمنتخب التونسي لخوض مباراتي مدغشقر وجامبيا في التصفيات المؤهلة
كشف مصدر بنادي الزمالك عن حقيقة وجود مفاوضات مع طارق حامد لاعب وسط فريق ضمك السعودي لضمه خلال فترة الانتقالات الشتوية المقبلة لتدعيم صفوف الأبيض. وأكد المصدر أن الزمالك يرحب بعودة طارق حامد لصفوف الفريق ولكن لم يدخل النادي في مفاوضات مع اللاعب في ظل ارتباط طارق حامد
كشف مصدر بالجهاز الفني للفريق الأول لكرة القدم بنادي الزمالك عن موقف مصطفى شلبي جناح الأبيض من مباراة المصري المقبلة في مسابقة الدوري بعد حصوله على راحة من تدريب الأمس بسبب معاناته من إجهاد عضلي.وأكد المصدر أن مصطفى شلبي سيكون جاهزاً للمباراة المقبلة أمام المصري،
ألغت محكمة مصرية، الأربعاء، حكم الحبس الصادر غيابيا بحق اللاعب إمام عاشور على خلفية قضية "خناقة المول".وتواجد لاعب الأهلي، في المحكمة وسط حراسة مشددة، قبل بدء جلسة المحاكمة، بحسب وسائل إعلام مصرية.كان المحامي علي فايز، دفاع فرد الأمن أعلن تصالح إمام
أحمد سليمان يفتح النار على حسام حسن بسبب لاعبي الزمالك .. مهاب ممدوح فتح أحمد سليمان عضو مجلس إدارة نادي الزمالك النار على حسام حسن المدير الفني لمنتخب مصر، في ظل مجاملته لمصطفى شوبير حارس الأهلي وعدم الدفع بمحمد عواد حارس مرمى الزمالك خلال لقاء
أكد مصدر بنادي الزمالك أن البرتغالي جوزيه جوميز المدير الفني للفريق الأول لكرة القدم بالنادي أعاد الخماسي سيف فاروق جعفر ومهاب ياسر ومحمد عاطف وأحمد رفاعي وحازم أسامة لتدريبات الأبيض الجماعية في الفترة الأخيرة. وأوضح المصدر أن المدير الفني قرر منح اللاعبين فرصة
أخبار الزمالك اليوم والأندية في الصحف اليوم جاءت متنوعة وتناولت العديد من الأخبار الرياضية المتنوعة اليوم، والتي نستعرضها في السطور التالية. اليوم
ينتظر عشاق الساحرة المستديرة، العديد من المواجهات النارية المرتقبة بعد نهاية فترة التوقف الدولي خلال شهر نوفمبر الجاري، تحديدًا في الدوريات الأوروبية الخمس الكبرى "بيج 5"، أو دوري أبطال أوروبا، بالإضافة إلى انطلاق مباريات دور المجموعات في بطولتي دوري أبطال أفريقيا
