ترند مصر اليوم | انهيار وبكاء هند عاكف .. ترتيب هدافي كأس العالم 2022 .. تحريف اسم مسجد السيدة زينب

26 نوفمبر 2022 الساعة 10:40 صباحا

ترند اليوم خدمة اخبارية يقدمها «أخبار الزمالك» لقرائه للاطلاع على كل ما هو جديد، وذلك من خلال السطور التالية.
 
 
انهيار وبكاء هند عاكف
كشفت الفنانة هند عاكف، كواليس محاولة منعها من دخول مهرجان القاهرة السينمائي في دورته 44 بحفل الافتتاح، وذلك أثناء استضافتها ببرنامج "نص الكلام" المذاع عبر فضائية "النهار".

وقالت هند عاكف باكية: "ينفع الكلام ده مع فنانة بتشتغل وهي عندها 4 سنين، أنا كنت بدخل المهرجان ده والدعوة بتبقى في العربية، الدعوة كانت من زميل مش هذكر اسمه، قالي يا هند أنا شفت الفيديو بتاعك وانتي عايزة تروحي المهرجان، قولتله أيوه أنا عايزة أروح، قالي أنا مش هروح عندي ظروف ومسافر، أنا هبعتلك دعوتي، معرفش بقى فيه أسامي أو مفيش أسامي، قولتله أوكيه، قالي بس متبلغيش حد إني اديتك دعوة عشان هم ممكن يبعتولك دعوة، لو بعتولك دعوة هاتيلي الدعوة، عشان ممكن أديها لحد تاني".

وتابعت: "يومها أنا نزلت كنت ماسكة الفستان، وكنت نازلة بالدعوة من البيت، أنا دمعتي نزلت دلوقتي عشان صعبان عليا تاريخي وتاريخ عيلة عاكف، اللي أنا شايلاه طول عمري ومحافظة عليه، يقوم المنظمين يعملوا كده، وكان فيه لازم أورود يتاخد، أنا معرفش راحت فين الدعوة، ولقيت نفسي وصلت، قولت استحالة يعملوا معايا موقف زي ده، لازم يدخلوني، أو يتصلوا بالإدارة جوه وهيدخلوني من غير مشاكل، أنا ليا تاريخ بجد أنا مش بهزر، أيا كان كبير أو صغير، أنا ليا تاريخ وليا وضعي وأعمالي الفنية المحترمة، بغض النظر إني بعدت شوية وليا تاريخ أيضا في الفترة اللي بعدها، أنا مبعدتش عشان اتفسح أنا كنت بعمل حاجة لصالح بلدي وللمواطن المصري".

واستكملت: "أنا هعتب على الأستاذ حسين فهمي، كرئيس مهرجان مش كفنان، المفروض يا أستاذ حسين كنت بلغت إدارة التنظيم إن لو حصل مشكلة نحلها إزاي؟ لو حصل مشكلة على الريد كاربت، وفيه فنان أو فنان جاي هيدخل بيته أو بيتها، ده بيتي المفروض، يقولولها اتفضلي، محدش يمنعها، أولا لتجنب المشاكل، ثانيا، لإن إحنا فنانين، والمهرجان ده مهرجان بلدنا ومهرجانا إحنا".

وأضافت: "بيقولوا القاعة بتتسع لـ 1050 كرسي فقط، ومش هنقدر نستوعب كل الفنانين أو مش هنقدر ندعي كل الفنانين، لو الدعوات راحت للفنانين بس، الناس كانت هتدخل وترتاح، البلوجر مع احترامي ليهم، الفنان الأول وبعدين البلوجر، السنة اللي فاتت كان قاعد جنبي 3 فيهم 2 دكاترة، وميطلعش البلوجر على الريد كاربت وهند عاكف ميتبعتلهاش دعوة، وعادي آخد دعوة من زميل، وأنا جهزت نفسي وعايزة أروح مهرجاني، وعايز أتابع المهرجان، والناس تعرف إني رجعت، وكانوا بيمنعوني، قولتلهم استحالة الدعوة نسيتها فعلا، وأنا أول مرة أقول كده، وده عادي ممكن زميل يقولي معاكي دعوة زيادة، وساعات في المهرجانات اللي فاتت كانت الدعوة بتكون في العربية وأدخل عادي، وحسين فهمي عمل تقريبا مداخلة، قال هند تقريبا جات القمر، وأنا طبعا مقولتش إني عاملة فستان ودريس، أنا طبعا مقولتش الكلام ده، يمكن هم بلغوا رسالة غلط، مرحتش أوريهم الفستان هدخل بيه أو مش هدخل بيه؟، لكن هو طالما عرف إني جيت المقر، يعني أنا عايزة أحضر المهرجان، وكلمتك يا أستاذ، كان ممكن يقول هاتي دريس يصلح للمهرجان، والمفروض كان يكون في تعليمات، والمشكلة اتحلت في ثواني على فكرة، وفي أكتر من شخص تدخل بصراحة".

يذكر أن منظمي حفل افتتاح مهرجان القاهرة السينمائي في دورته الـ 44 منعوا الفنانة هند عاكف من التواجد على السجادة الحمراء للمهرجان.

وأثار ما حدث غضب هند عاكف، قائلة: "أنا فنانة ومن حقي أدخل".
 
 
ترتيب هدافي كأس العالم 2022
ترتيب هدافي كأس العالم 2022، بعد نهاية مباريات اليوم الأول من الجولة الثانية من دور المجموعات، والذي شهد 4 مباريات قوية أمس الجمعة.

وافتتح منتخب إيران مباريات الجولة الثانية من دور المجموعات لبطولة كأس العالم 2022، بفوز هام ومثير في الوقت القاتل بهدفين دون رد أمام منتخب ويلز.

وتعرض منتخب قطر للخسارة بثلاثة أهداف مقابل هدف أمام منافسه السنغال، ليُودع البطولة بشكل رسمي من الدور الأول عقب الخسارة في أول مباراتين.

وحسم التعادل الإيجابي بهدف لمثله، نتيجة مباراة هولندا والإكوادور، ليرفع كلا المنتخبين رصيدهما من النقاط إلى النقطة الرابعة في صدارة المجموعة الأولى.

وفي ختام مباريات اليوم، تواصل التعادل لكن بشكل سلبي بين إنجلترا وأمريكا، في قمة المجموعة الثانية، لتتعقد حسابات المجموعة.

وتمكن الإكوادوري إينير فالنسيا قائد منتخب بلاده، من فك الشراكة مع اللاعبين الذين أحرزوا هدفين في بطولة كأس العالم، وعلى رأسهم ساكا وفيران توريس ومهدي طارمي وأوليفيه جيرو.

ويأتي ترتيب هدافي كأس العالم 2022 بعد نهاية مباريات أمس الجمعة، على النحو التالي:-

1- الإكوادوري إينير فالنسيا برصيد 3 أهداف.

2- البرازيلي ريتشاليسون برصيد هدفين.

3- الإسباني فيران توريس برصيد هدفين.

4- الإنجليزي بوكايو ساكا برصيد هدفين.

5- الإيراني مهدي طارمي برصيد هدفين.

6- الفرنسي أوليفيه جيرو برصيد هدفين.

7- الهولندي كودي جاكبو برصيد هدفين.
 
 
تحريف اسم مسجد السيدة زينب
سادت حالة من الغضب في وسائل التواصل الاجتماعي بعد تحريف اسم مسجد السيدة زينب بالقاهرة على خريطة جوجل، وإلصاق به لفظ مسيء تسبب في تدشين مستخدمي مواقع التواصل الاجتماعي حملة تدعو إلى سرعة الدخول إلى محرك البحث جوجل وتغيير اللفظ المسيء المجاور لاسم مسجد السيدة زينب.

ويحتل مسجد السيدة زينب مكانة كبيرة في قلوب المصريين، إذ يعتبر الكثيرون خاصًة من سكان الأقاليم البعيدة عن القاهرة أن زيارة مسجد السيدة زينب بركة يدعون الله أن ينالونها.

ونتج غضب رواد السوشيال ميديا نتيجة ظهور لفظ مسيء بجوار اسم مسجد السيدة زينب على جوجل خاصة خرائط جوجل، والذي لا يتناسب مع امرأة صالحة من نسل آل بيت النبي محمد صلى الله عليه وسلم.

ويظهر اللفظ المسيء عند البحث عن مسجد السيدة زينب رضي الله عنها، دون معرفة من قام بذلك أو الغرض من هذا الفعل المشين.

ويمكنك تغيير اسم مسجد السيدة زينب على جوجل وإزالة اللفظ المسيء عنه من خلال الخطوات التالية:

- فتح الصفحة الرئيسية لموقع بحث جوجل ثم كتابة اسم مسجد السيدة زينب.

- بجانب الصفحة على اليسار ستوجد معلومات عن مسجد السيدة زينب، وفي منتصف هذه الصفحة يوجد خيارين: «اقتراح تعديل- هل تملك هذا النشاط التجاري؟».

- اضغط على اقتراح تعديل.

- يظهر أمامك خياران: «تغيير الاسم – إغلاق أو إزالة».

- اختر تغيير الاسم وكتابة اسم مسجد السيدة زينب والضغط على إرسال.

يذكر أن تغيير اسم مسجد السيدة زينب على خرائط جوجل ليست الواقعة الأولى من نوعها، إذ سبقتها منذ فترة قصيرة تغيير اسم مسجد السيدة عائشة بإضافة إليه اسم مسيء، وكذلك الحال أيضًا مع مرقد الإمام على بن أبي طالب إذ أضيف إليه من قبل اسم ينطوي على إساءة.