مرتضى منصور ساعود إلى صفوف الجماهير بعد لقاء الزمالك والنصر
2 اغسطس 2023 الساعة 11:21 مساء
مرتضى منصور ساعود إلى صفوف الجماهير بعد لقاء الزمالك والنصر
سارة عبد الباقي ومهاب ممدوح
أعلن المستشار مرتضى منصور رحيله عن نادي الزمالك بشكل رسمي عقب مباراة الغد بين الزمالك والنصر السعودي في البطولة العربية.وقال مرتضى منصور في فيديو عبر حسابه الرسمي: "أنا همشي من نادي الزمالك خلاص ومسافر بعد ماتش النصر، ياريت يا ممدوح يا عباس تفك الحجز بقى، انا خلاص خارج برا المشهد وأمير سايب النادي من شهرين"وأضاف: "أنا متنازلتش عن ولا دولار من غرامة كهربا، الانتخابات هتفتح يوم 31 أكتوبر اللي عايز يترشح وبيحب النادي يتفضل"وقال :"ياريت يا ممدوح يا عباس تعرف ان خلاص المعركة انتهت وانا مشيت من نادي الزمالك".
وتابع مرتضى منصور: "أمير عامل عقود مع 3 لاعبين واللاعب الرابع أحمد فتوح، وهيسلم العقود لاي حد يبقى مسئول عنهم".وواصل: "انا سايب نادي الزمالك ومتنازلتش عن دولار واحد من غرامة كهربا وآخر معاد بكرة ولو مدفعش هيتوقف، هيدفع هيبقى فيه فلوس تفك أزمة مالية وندفع مرتبات اللاعبين".وتابع: "أحمد مرتضى بيخلص أحسن لاعب في مصر، لو عايز يكمل أو ميكملش ده قراره هو، ولادي عندهم شخصية، الزمالك بينهار دلوقتي، أتصدمت بكم المبالغ اللي على الزمالك عشان أقيد القايمة الأولية"